oprah_winfrey

Oprah Vinfri smršala 20 kg uz pomoć ovog fenomenalnog jelovnika

Oprah Vinfri nikada nije skrivala svoju borbu protiv viška kilograma. Slavna voditeljka isprobala je sve moguće dijete, ali skinuti kilogrami uvijek bi se vraćali.


Naposljetku je priznala da je pokušavala da smrša iz pogrešnih razloga i zato dugoročno nikada nije nailazila na uspeh.
“Kada bi kilogrami počeli da se smanjuju, morala sam da osvijestim svoju namjeru. Mogla sam da izgubim težinu zato da bih ušla u određeni konfekcijski broj, kako bih prisustvovala nekom događanju ili zato da bih se svidjela drugima. Ali nisam mogla da održavam težinu zbog istih razloga. Kilogrami bi se uvijek vratili. Ovaj put promijenila sam svoju namjeru. Samo sam željela da budem zdrava. Fizički, emotivno i duhovno. Tada se promijenio proces i svrha mog mršavljenja. Bilo mi je lakše jer sam imala jasnije namjere”, priznaje Opra koja kaže da se sada ničega ne odriče, ne brine o brojkama koje pokazuje vaga i samo vodi računa o porcijama.

 
Zahvaljujući novom pristupu mršavljenju od 2015. godine izgubila je 20 kilograma, ali ovaj put nije doživjela “jojo” efekat i održava tjelesnu težinu s kojom je zadovoljna. Najveću ulogu u uspješnom gubitku kilograma ima njen raznovrsni jelovnik, a u nastavku provjerite šta to voditeljka jede tokom jednog dana.

 
Doručak: Sendvič s jajetom, avokadom, šunkom i paradajzom na hljebu od žitarica cjelog zrna, čaj.

 
Ovo je doručak koji se gotovo svaki dan nalazi na tanjiru voditeljke. Umjesto kafe, Opra u jutarnjim satima poseže za čajem. Najčešće pije indijski čaj obogaćen začinima poput cimeta, kardamoma, karanfilića i đumbira, i sa dodatkom mlijeka.
Ručak: Supa od paradajza i salata od kelja ili tjestenina sa škampima.

 
“Obožavam supu, jedem je svaki dan”, priznaje Opra. S obzirom na to da ovakav tip supe nije zasitan, voditeljka je nadopunjuje salatom od kelja s dodatkom jabuke, sušenih borovnica, badema, sjemenki suncokreta, sira i preliva na bazi senfa.

 
Druga zasitna opcija za ručak je tjestenina s škampima koju je jednostavno pripremiti. U kuvanu testeninu dodaje se malo maslinovog ulja, soli, bibera, čen bijelog luka i 3 kašike rendanog sira. Naposljetku se tjestenini dodaju i grilovani škampi, a po želji se jelo može dopuniti paradajzom ili rukulom.

 
Večera: File bakalara s mahunarkama

 
Ovu ukusnu večeru zaista je lako napraviti. Ako niste ljubitelj bakalara, zamijenite ga drugom ribom, a u obilju raznih mahunarki sigurno ćete naći nešto za sebe.

 
“Za večeru volim da jedem ribu i povrće. Često popijem i čašu vina ili neki koktel”, dodaje Opra.
Užina: Kokice, čips od kelja, čips od krompira, sjemenke, sorbe od bobičastog voća.

Comments are closed