Momci iz “Magla bend” riješeni da ovo ljeto osvježe novim hitom obradovali su svoju vjernu publiku novom numerom “Ne leči se žena drugim ženama”, a na račun naziva su se i sami našalili.
– Ne liječi se žena drugim ženama, mi se liječimo drugim ženama. Mi, muškarci se liječimo drugim ženama- rekli kroz smijeh.
Inače, ekipa je premijerno izvela pjesmu na festivalu “Skale” i nakon ovacija publike i gromoglasnog aplauza riješili su da ostanu skromni.
– Nije baš svaka naša pjesma hit, mada ja sam realan i samokritičan dosta. Inače, gledamo da pronađemo ono što se nama sviđa i da bude puna energije, da cijelu ekipu pokrene da bismo mi to mogli da prenesemo publici, da bi se oni odmah pitali koja je to pjesma i ušli na Jutjub da je puste, ali svakako da je bitno da je mi kao izvođači osjetimo- rekao je frontmen grupe.
Kako sjajan spot prati tekst pjesme, kažu da im eksplicitne scene sa snimanja ne padaju teško.
– Imao sam više puta takve scene, ali tada je sve profesionalno jer razmišljamo da budemo lijepi, da sve bude kako treba. I neki poljubac nekada u spotu nije onaj “ril” poljubac. Pa čak i kada sam sa bivšom snimao na setu to je bilo profesionalno- tvrdi pjevač.
