Petar Grašo je zakazao koncert u Areni u Beogradu za 11. novembar, a ovaj događaj će posvetiti svom velikom prijatelju i kolegi Oliveru Dragojeviću.
Grašo kaže da je Dragojević uvijek bio tu za njega, te na ovaj način želi da mu se oduži za brojne lijepe stvari: “Sa Oliverom sam bio jako blizak, on je cijelog mog života bio tu. Poznavao me je od četvrte godine, u šesnaestoj sam napisao svoju prvu pjesmu, koja je, sticajem okolnosti, zahvaljujući mom ocu, otišla upravo u Oliverove ruke. Kada je čuo šta sam napravio, pozvao me je i rekao da će sve numere koje sam napisao, on otpjevati. Taj momenat je bio presudan za moju karijeru i život, jer je upravo Oliver odredio moj životni put. Do kraja smo ostali dobri prijatelji”, rekao je Grašo za regionalne medije.
U sjećanje na velikog prijatelja, Grašo je najavio da će beogradska publika imati prilike da čuje neke od najpopularnijih Dragojevićevih pjesama, a jedna od njih je i Boginja koju je Grašo napisao sa svega 16 godina.
