Marija Šerifović je bila na rigoroznoj dijeti zbog spotova koje je snimala za novi album koji je nedavno objavila.
„Ja sam bila na ekstremno strogoj dijeti prije početka snimanja spotova. Bila sam 22 dana na dijeti. Došao je na red prvi spot koji smo snimali Matija Cvek i ja za numeru ‘Pola sunca’, a onda su naši prijatelji poslali ketering i oni imaju strašno dobre uštipke“, započela je Marija i nastavila:
„Pojela sam jedan, stigla sam kući, a sutradan sam snimala spot za pjesmu ‘Idi dok te volim’. Zaspala sam negdje oko 23 sata, a oko jedan iza ponoći su me probudili stravični bolovi u abodmenalnom dijelu. Povraćala sam i sve što ide uz to, otišla sam u noćno dežurstvo, dobro svi znamo o čemu je riječ. A onda sam tek oko pola četiri zadrijemala. Međutim, tokom noći sam se budila i bila sam blijeda kao krpa.“
Uprkos tegobama, Marija je nastavila na zakazano snimanje.
„Donijeli su mi infuziju, klometol… Ne znam ni šta su mi sve radili, to je možda jedan od najtežih dana u mom životu. Mislila sam da neću preživjeti“, zaključila je Šerifovićeva, prenosi „Blic„.
